FATAWA KAN CANZA WAJE DON NAFILA

FASSARAR FATAWA KAN CANJA WAJE DON SALLAR NAFILA

Dayawa muna ganin masu sallah suna canja wajen sallah bayan idar da sallar farilla don yin sallar nafila, kuma mafi yawa su kan yi hakan, ba tare da ililmin hukuncinsa ba.

Shin canja waje tsakanin salloli

• Bidi’a ne?
• Ko Sunnah?
• Ko abinso?
• Ko kuma wajibi?

Kuzo muji hukuncin canja waje tsakanin salloli.

An tambayi Sheikh Ibn Uthaimin (Rahimahullah), shin akwai wani dalili kan canja muhalli don yin sallar nafila bayan farillah?

AMSA(JAWABI)?

• Yazo cikin hadisin mu’awiyya (RA) yace: Annabi(SAW) ya umurce mu da, kada mu hada sallah da sallah har sai mun yi magana, ko mun fita (daga cikin masallaci). Muslim ya ruwaito.

Malamai ma’abota ilimi sun riki wannan kan zaifi kyau, a rarrabe farilla da nafila ko ta hanyar magana ko canja wajen sallah.

• Daga Azraq ibn Qais yace: wani mutum yayi sallah tare da manzon Allah(SAW) sai ya mi ke, don yin safa’i, sai Sayyidina Umar ya kamo kafadarsa ya hana shi, yace zauna. Yace masa ahlil kitab su hallaka ne, saboda ba sa rarrabe sallolinsu.

Sai Annabi(SAW) ya mi ke ya ke cewa: Allah ya datar da kai Umar ibn kattab. Abu Dawud ya ruwaito, Albani ya inganta shi.

Don haka, yin istighfari sau uku (3) ya isar a matsayin magana.

Daga karshe:

Mai yiwuwa wannan hukunci zaifi amfani wajen mata saboda sun fi yin sallah a gida su kadai.Tana sallar farilla saita mi ke, ta kawo nafila, babu magana a tsakaninsu.
Don haka a yi kokari, a isar da wannan sako ga wasu.

Kayi kokarin isar da sakon, ga ‘yan uwa musulmi.

Yada ilimi yana daga cikin manyan ayyukan alkhairi.